Félagsmaður í Eflingu, Verkalýðsfélaginu Hlíf í Hafnarfirði og Verkalýðs- og sjómannafélagi Keflavíkur og nágrennis, sem unnið hefur og greitt félagsgjöld í 6 mánuði af síðustu 24 mánuðum á rétt á styrk sbr. eftirfarandi reglur. Athugið að nám sem fram fer erlendis er ekki styrkhæft.
1. Starfsmenntun
Nám sem fram fer hér á landi er styrkt sem starfsmennt, óháð starfi, samanber eftirfarandi:
a. Nám til eininga og nám, próf og efniskostnaður sem veitir eða viðheldur auknum réttindum til starfa, á framhalds- og háskólastigi og hjá viðurkenndum fræðsluaðilum
b. Skólagjöld í framhaldsskóla að undanskyldum gjöldum sem teljast valfrjáls, s.s. skóla-og nemendafélagsgjöld.
c. Nám sem fellur undir löggildar iðngreinar.
d. Öku- og vinnuvélanám til réttinda eða endurnýjunar réttinda, þ.m.t. almennt ökunám og ökutímar.
e. Prófa- og skírteinisgjöld sem órjúfanlegur hluti af af námi / námslokum.
f. Tölvunám.
g. Tungumálanám hjá viðurkenndum eða samþykktum fræðsluaðilum. 1. janúar 2027 fellur listi yfir samþykkta fræðsluaðila niður, sjá hér
h. Raunfærnimat, áhugasviðsgreiningar og starfstengd markþjálfun að hámarki 12 tímar innan almanaksárs.
2. Hagnýtir fræðslustyrkir
Nám, námskeið og ráðstefnur sem fram fara hér á landi og eru til þess fallin að styrkja félagsfólk í starfi, s.s. markmiðasetning, samskipti, leiðtogaþjálfun, stjórnun, framkoma, sala og þjónusta.
3. Sameiginlegur styrkur félagsmanns og fyrirtækis
Félagsmaður og fyrirtæki geta sótt sameiginlega um styrk vegna starfstengdrar fræðslu, sjá nánar hér
4. Úthlutunarreglur
Við ákvörðun upphæðar styrkja er miðað við greidd félagsgjöld síðustu 12 mánaða.
Félagsgjald af lágmarkslaunum í 100% starfi gefur fulla styrkupphæð en þó aldrei meira en 90% af reikningi.
Félagsmaður sem hverfur frá vinnu heldur áunnum réttindum sínum til styrks, sjá hér
Foreldrar í fæðingar- eða foreldraorlofi geta nýtt sér áunnin rétt ef þau velja að greiða stéttarfélagsgjöld á meðan á orlofi stendur.
Félagsmenn í atvinnuleit halda áunnum rétti sínum eins og hann var við starfslok ef þeir velja að greiða stéttarfélagsgjöld af atvinnuleysisbótum.
Félagsmenn sem ekki hafa íslensku sem móðurmál geta sótt um endurgreiðslu vegna íslenskukennslu eftir að hafa greitt til félagsins í 1 mánuði, sjá hér
Áunnin réttindi félagsmanna innan Starfsafls og Landsmenntar eða SVS haldast óbreytt þrátt fyrir flutning á milli sjóða, sjá hér.
5. Upphæðir endurgreiðslu
Hámarksgreiðsla fyrir almennt nám og og hagnýta fræðslustyki kr. 180.000,-
Námskeið sem falla undir hagnýta fræðslustyrki eru styrkt að hámarki kr. 50.000,- á ári.
Aldrei er greitt meira en 90% af kostnaði / reikning.
6. Uppsafnaður réttur:
Félagsmenn sem hafa ekki nýtt sér rétt sinn til styrks í tvö eða þrjú ár geta sótt um hærri styrk fyrir eitt samfellt nám eða námskeið.
Hafi félagsmaður ekki nýtt rétt sinn til styrks í tvö ár getur hann fengið allt að 360.000 kr. fyrir eitt samfellt nám eða námskeið. Skilyrði er að greitt hafi verið í sjóðinn af starfi félagsmanns í að minnsta kosti 20 af síðustu 24 mánuðum.
Hafi félagsmaður ekki nýtt rétt sinn til styrks í þrjú ár getur hann fengið allt að 540.000 kr. fyrir eitt samfellt nám eða námskeið. Skilyrði er að greitt hafi verið í sjóðinn af starfi félagsmanns í að minnsta kosti 30 af síðustu 36 mánuðum.
Í báðum tilvikum þarf að hafa verið greitt í sjóðinn í fyrsta og síðasta mánuði á tíma uppsöfnunar (þ.e. sl. tvö eða þrjú ár), og styrkurinn reiknast hlutfallslega miðað við réttindi félagsmanns á tímabilinu.
Uppsafnaður réttur skerðist ekki hafi félagsmaður fengið styrk undir kr. 50.000 á tíma uppsöfnunar. Sá styrkur kæmi þó til frádráttar.
Uppsöfnun er ekki hægt að nýta til tungumálanáms.
7. Svona sækir þú um
Sótt er um á mínum síðum hjá hlutaðeigandi stéttafélagi. Með útfyllingu umsóknar samþykkir umsækjandi vinnslu persónuupplýsinga.
8. Með umsókn skal skila
Frumriti reiknings sem er á nafni félagsmanns þar sem fram kemur nám/námskeiðslýsing, nafn og kennitala fræðsluaðila og staðfesting á greiðslu.
9. Misnotkun á fræðslusjóði og viðurlög
Umsækjandi sem reynist hafa gefið rangar eða villandi upplýsingar og eða notar fölsuð gögn við styrkumsókn, missir rétt sinn til styrks í 36 mánuði. Hafi umsækjandi fengið greidda styrkupphæð á grundvelli falsaðra og eða rangra gagna, er heimilt að krefja viðkomandi um endurgreiðslu á heildarupphæð styrks auk dráttarvaxta. Stjórn sjóðsins áskilur sér rétt til að kæra til lögreglu brot af þessu tagi.
Á það er bent að sjálfstætt starfandi einstaklingar (eigendur fyrirtækja) eiga ekki að vera í aðild að Eflingu, Verkalýðsfélaginu Hlíf í Hafnarfirði og Verkalýðs- og sjómannafélagi Keflavíkur og nágrennis (sjá reglur félaga) og eru þar með ekki gildir umsækjendur í sjóðinn.
Ef þú ert ekki viss um hvaða rétt þú átt þá er einfalt að hafa samband við þitt stéttafélag og fá þær upplýsingar.
Uppfært 19. október 2026