Nú er hafinn mesti annatíminn hjá starfsmenntasjóðunum þar sem gera má ráð fyrir allt að 30% af þeim umsóknum sem sjóðnum berst þetta árið, berist á næstu 3 vikum. Að því sögðu er 10. desember síðasti dagurinn til að senda umsókn inn svo tryggt sé að umsókn verði afgreidd fyrir áramót. Við bendum þó á að aðeins þau fyrirtæki sem fullnýta rétt sinn á hverju ári, þurfa að koma umsóknum inn fyrir þann tíma, önnur geta geymt það fram yfir áramót, svo lengi sem reikningur verður ekki eldri en 12 mánaða, sjá hér
Að gefnu tilefni er bent á að umsóknum er umsvifalaust hafnað ef tilskylin gögn fylgja ekki með umsókn eða umsókn og fylgigögn eru ekki í lagi. Hér til hliðar má sjá mynd af gátlista sem gott er að hafa til hliðsjónar og hér má nálgast sama skjal til útprentunar, fyrir þá sem það vilja. Við bendum þó á að mikilvægt er að kynna sér reglur sjóða á heimasíðunum þeirra, þar sem reglurnar eru ekki alltaf þær sömu og þessi gátlisti nær bara yfir Starfsafl og er ekki tæmandi.
Að gefnu tilefni er bent á að umsóknum er umsvifalaust hafnað ef tilskylin gögn fylgja ekki með umsókn eða umsókn og fylgigögn eru ekki í lagi.
Tilskilin gögn eru samanber eftirfarandi:
Þau gögn sem þarf með umsókn eru án undantekninga samanber eftirfarandi:
1. Upplýsingar um fræðsluna (stutta samantekt á efnisþáttum eða lýsingu á námi, slóð á vefsíðu).
2. Reikningur á kennitölu fyrirtækis, þar sem sundurliðun kostnaðarþátta er skýr.
3. Staðfesting á greiðslu, þ.e. bankakvittun úr íslenskum banka sem staðfestir greiðslu í íslenskum krónum.
4. Listi yfir þátttakendur, nöfn, kennitölur og stéttarfélagsaðild (gott að hafa í excel skjali)
5. Yfirlit yfir skil á starfsmenntaiðgjaldi vegna þess starfsfólks sem telst til félagsmanna Eflingar, sjá nánar hér
Þá þarf að hafa í huga með umsóknum sem eru vegna stafrænnar fræðslu, fræðslusafna- eða appa, þarf ýmis viðbótargögn og því nauðsynlegt að kynna sér reglur hlutaðeigandi sjóða.
Þá þarf að hafa í huga með umsóknum sem eru vegna stafrænnar fræðslu, fræðslusafna- eða appa, þarf ýmis viðbótargögn og því nauðsynlegt að kynna sér reglur hlutaðeigandi sjóða.
Fyrirtæki sem greiða iðgjöld af starfsfólki til Eflingar stéttarfélags, Verkalýðsfélagsins Hlífar í Hafnarfirði og Verkalýðs- og sjómannafélags Keflavíkur og nágrennis, geta sótt um í sjóðinn. Hámark veittra styrkja á almanaksári er 4 milljónir króna. Sótt er um á www.attin.is
Fyrirtæki sem hafa áhuga á að kynna sér sjóðinn og kanna hvaða leiðir eru færar, er velkomið að hafa samband í síma 6930097 eða með tölvupósti á [email protected]. Einstaklingum er bent á hlutaðeigandi stéttafélag, eins og áður segir, en þar fer fram afgreiðsla styrkja til einstaklinga.
Myndin með fréttinni er fengin hér