Rafrænt námsumhverfi styrkt hjá Dominos

Í nýliðnum mánuði veitti Starfsafl fyrirtækinu Pizza Pizza, sem rekur Dominos keðjuna, eina og hálfa milljón í styrk vegna
áskriftar að rafrænu námsumhverfi.

Fyrirtækið hefur verið með öfluga fræðslustefnu og sinnt nýliðafræðslu sérstaklega vel. Það er því eðlilegt framhald og í takt við nýja tíma að færa hluta fræðslunnar yfir á rafrænt form. Í umsókn fyrirtækisins var meðal annars lögð áhersla á mikilvægi þess að bjóða starfsafólki upp á markvissa fræðslu og þjálfun sem og að veita starfsfólki tækifæri til að þróast i starfi. 

Nánar um rafrænt fræðsluumhverfi fyrirtækins má lesa hér 

Rúmt ár er síðan Starfsafl fór að veita styrki til fyrirtækja sem vildu taka upp rafrænt námsumhverfi.

Reglurnar eru sem hér segir:

Styrkt er áskrift að rafrænu námsumhverfi um 75% af reikningi en þó aldrei meira en kr. 6000,- fyrir hvern félagsmann á ári.
Skilyrt er að gerður sé og greiddur áskriftarsamningur fyrir a.m.k. 6 mánuði.

Með umsókn þarf að fylgja greinagerð sem tekur á eftirfarandi:

  • lýsing á því hvaða fræðslu verður boðið upp á með þessum hætti
  • hvaða fræðsluefni er tilbúið til notkunar
  • hvernig fræðsluefni verður sótt / keypt eða þróað
  • hvernig fyrirtækið hyggst koma fræðslunni á framfæri til starfsmanna
  • hvenær og hvernig starfsfólki er ætlað að nýta fræðsluna

Nánari upplýsingar eru veittir á skrifstofu Starfsafls.

Myndin er fengin að láni af fésbókarsíðu fyrirtækisins.