Undirritaður hefur verið samningur um verkefnið Fræðslustjóra að láni við Hótel Aurora.  

Starfsmenn fyrirtækisins eru tæplega þrjátíu talsins og er verkefnið að fullu styrkt af Starfsafli.

Verkefnið felur í sér að Starfsafl leggur til “Fræðslustjóra að láni”, fræðslu- og mannauðsráðgjafa, sem greinir fræðsluþarfir fyrirtækisins og semur fræðsluáætlun byggða á greiningunni.

Fræðsluáætlunin skal vera með útfærslu að leiðum, tímasetningu námskeiða og tillögum að fræðsluaðilum ásamt aðgerðum um þjálfun og menntun til styttri og lengri tíma. Greiningin og fræðsluáætlunin er ávallt unnin í nánu samstarfi með starfsmönnum og stjórnendum fyrirtækisins. Allur kostnaður vegna ráðgjafans er greiddur af þeim sjóðum sem að verkefninu koma en framlag fyrirtækisins felst í framlögðum tíma starfsfólks.

Hótel Aurora er þriggja stjörnu hótel á Keflavíkurflugvelli, aðeins 100 metra frá flugstöð Leifs Eiríkssonar. Herbergi eru 72 talsins auk þess sem veitingastaður er á hótelinu. Verið er að byggja við hótelið þar sem m.a. verður gert ráð fyrir töluverðum fjölda herbergja til viðbótar og aðstöðu til funda- og ráðstefnuhalds. Markmið fyrirtækisins eru skýr og stefna stjórnenda fyrirtækisins að efla starfsfólk enn frekar svo það sé í stakk búið til að sinna daglegum verkefnum og geti tekið virkan þátt í framþróun fyrirtækisins.

Ráðgjafi verkefnisins er Miðstöð símenntunar á suðurnesjum.

Nánari upplýsingar um verkefnið Fræðslustjóra að láni má nálgast á vef Starfsafls, www.starfsafl.is eða í síma 5107550

Myndin er fengin að láni af vefsíðu fyrirtækisins.