Er þitt fyrirtæki í tölum júlímánaðar ?

Hæft og framsýnt starfsfólk er lykill fyrirtækja að árangri og símenntun og markviss starfsþróun er þar grunnstoð. Það er því mikilvægt fyrir öll fyrirtæki, óháð stærð og starfsumhverfi að styrkja þessa grunnstoð og fjárfesta í nauðsynlegri fræðslu. Fyrir einstaklinga á vinnumarkaði  er ekki síður mikilvægt að líta á eigin hæfni og færni og sækja þá fræðslu sem þarf. Þá er gott að geta leitað í starfsmenntasjóði og lágmarkað kostnað tengdan starfsmenntun.  

Styrkir Starfsafls í júlí

Í sjöunda mánuði ársins voru greiddar út 25.3 milljónir króna til einstaklinga og fyrirtækja vegna starfsmenntunar. Það er talsvert hærri fjárhæð en greidd var í júlí 2021 og 2020. Það er vel og vekur vonir um að samfélagið og atvinnulífið sé að verða eðlilegt eftir Covid tímabilið sem við öll þekkjum fullvel.

Í sjöunda mánuði ársins voru greiddar út 25.3 milljónir króna til einstaklinga og fyrirtækja vegna starfsmenntunar.

Styrkir til fyrirtækja

48 umsóknir bárust frá 18 fyrirtækjum þennan mánuðinn og á bak við þá tölur eru 1100 félagsmenn, starfsfólk áðurnefndra fyrirtækja.  16 umsóknir bíða afgreiðslu þar sem tilskilin gögn vantaði en til að umsókn hljóti afgreiðslu þarf eftirfarandi að fylgja með umsókn:

1. Upplýsingar um fræðsluna (stutta samantekt á efnisþáttum).

2. Reikningur á kennitölu fyrirtækis, þar sem sundurliðun kostnaðarþátta er skýr og staðfesting á greiðslu, s.s. kvittun úr heimabanka. Reikningur má ekki vera eldri en 12 mánaða.

3. Listi yfir þátttakendur, nöfn, kennitölur og stéttarfélagsaðild 

Að síðustu þarf að merkja vel við hvaða sjóðir eigi að taka umsóknina til afgreiðslu og yfirlit yfir sjóði og tengd stéttafélög má sjá hér 

Styrkir til einstaklinga

Samanlögð styrkfjárhæð til einstaklinga var 19.3 milljónir kr. Sú fjárhæð skiptist sem hér segir:

Efling kr. 15.251.683,-

VSFK kr. 3.403.867,-

Hlíf kr. 648.580,-

Fyrirtæki sem hafa áhuga á að kynna sér sjóðinn og kanna hvaða leiðir eru færar, er velkomið að hafa samband í síma 6930097 eða með tölvupósti á lisbet@starfsafl.is Einstaklingum er bent á hlutaðeigandi stéttafélag, eins og áður segir, en þar fer fram afgreiðsla styrkja til einstaklinga.

Myndin með fréttinni er fengin hér