Um áramót taka gildi breytingar á eftirfarandi reglum:

Öll upptekin fræðsla (myndbönd og annað stafrænt margmiðlunarefni), fræðslusöfn og fræðsluöpp verða styrkt um 50% af reikningi í stað 90%. Á móti kemur að einfaldað verklag verður tekið upp þar sem  eingöngu þarf að skila inn grunngögnum með umsókn.  Ekki verður lengur gerð krafa um greinargerð, fræðslu- eða innleiðingaráætlun, líkt og núgildandi reglur gera kröfu um. Einstaklingsáskriftir sem fyrirtæki kaupa fyrir starfsmenn sína verða áfram styrktar um 90% af reikningi. 

Öll upptekin fræðsla (myndbönd og annað stafrænt margmiðlunarefni), fræðslusöfn og fræðsluöpp verða  styrkt um 50% af reikningi í stað 90%.

Aðrar breytingar á reglum varða sýnatökur og akstur, en  sýnatökur sem framkvæmdar eru af Sýni vegna undirbúnings námskeiða um matvælaöryggi verða styrkhæfar frá áramótum sem og akstur vegna námskeiða þar sem það á við. Hvorutveggja hefur hingað til ekki fallið undir styrkhæfni sjóðsins.

Fyrrgreindar breytingar voru samþykktar á stjórnarfundi Starfsafls 16. desember sl. og taka gildi 1. janúar 2026. Þær ná einungis til reikninga sem gefnir eru út eftir þann tíma.

Um Starfsafl:

Öll fyrirtæki sem greiða iðgjöld af starfsfólki til Eflingar stéttarfélags, Verkalýðsfélagsins Hlífar í Hafnarfirði og Verkalýðs- og sjómannafélags Keflavíkur og nágrennis, geta sótt um í sjóðinn.  Sótt er um á www.attin.is

Fyrirtæki sem hafa áhuga á að kynna sér sjóðinn og kanna hvaða leiðir eru færar, er velkomið að hafa samband í síma 5181850 eða með tölvupósti á [email protected]  Einstaklingum er bent á hlutaðeigandi stéttafélag, en þar fer fram afgreiðsla styrkja til einstaklinga.

Starfsafl  áskilur sér rétt til að gera athugasemdir eða takmarka styrkveitingu ef verðlagning náms getur ekki talist í samræmi við viðmið markaðarins, ef ætla má að skilgreindur undirbúningstími sé umfram það sem eðlilegt getur talist, ef vísbendingar eru um að verðlagning taki til ráðgjafar eða ber  þróunarkostnað umfram það sem eðlilegt má teljast. Að gefnu tilefni áskilur Starfsafl sér rétt til að hafna umsóknum.