80 fyrirtæki styrkt árið 2016

Á árinu 2016 sóttu alls 80 fyrirtæki um styrk til Starfsafls en fyrirtæki sem greiða af starfsfólki  til Eflingar, VSFK og Verkalýðsfélagsins Hlífar, geta sótt um styrki til námskeiðahalds til Starfsafls.  

 

Þau 80 fyrirtæki sem sóttu um í sjóðinn komu víðsvegar að en fyrirtæki í ferðaþjónustu voru þar fjölmennust, s.s hótel, veitinga- og rútufyrirtæki.  Þá voru fyrirtæki sem sérhæfa sig í hreingerningum ekki síður dugleg að sækja í sjóðinn, öryggisfyrirtæki og fiskvinnsla, svo dæmi séu tekin.  Einnig er áhugavert að skoða breiddina í fræðslu innan fyrirtækja og þær leiðir sem eru farnar.

 

Nú strax í upphafi árs má finna mikla aukningu í umsóknum til sjóðsins og ljóst að enn eitt metið verður slegið þetta árið.  Fyrirtæki sem hafa áhuga á að kynna sér þær leiðir sem eru í boði er bent á að hafa samband við skrifstofu Starfsafls.