Starfsafl
Starfsmennt Samtaka
atvinnulífsins og
Flóabandalagsins
Sætún 1
sími: 510 7544
fax: 510 7549
starfsafl@starfsafl.is
Íslenska Gámafélagið ehf. fær fræðslustjóra að láni
Íslenska Gámafélagið ehf., Starfsafl, Landsmennt og Starfsmenntasjóður verslunar- og skrifstofufólks (SVS) hafa gengið frá samkomulagi um um lán á fræðslustjóra til fyrirtækisins. Samningurinn nær til um 180 starfsmanna fyrirtækisins sem greitt er af til sjóðanna.
Íslenska Gámafélagið er aðeins 10 ára gamalt fyrirtæki og hefur verið brautryðjandi á sviði endurvinnslu hjá fyrirtækjum, veitt ráðgjöf til fyrirtækja, stofnana og sveitarfélaga í sorpmálum með svokölluðu þriggja tunnu verkefni. Markmið fyrirtækisins hefur einnig verið að reisa Endurvinnsluþorp í Gufunesi þar sem framleiðslu- og sprotafyrirtæki hafa byggt upp bæjarfélag þar sem sjáfbærni og græn orka til framtíðar er höfð að leiðarljósi. Íslenska Gámafélagið hefur m.a. unnið til umhverfisverðlauna umhverfisráðuneytisins, Kuðungsins,fyrir breytingar á bílum til notkunar á metan eldsneyti svo og þriggja tunnu kerfis.
Fræðslustjóri að láni er heiti verkefnis sem Starfsafl hefur boðið fyrirtækjum síðan í lok árs 2008. Fræðslustjórinn er venjulega sjálfstæður mannauðsráðgjafi sem fer í boði fræðslusjóðanna inn í fyrirtæki í tiltekinn tíma og aðstoðar þau við greiningu á þörfum fyrir fræðslu, lyftir upp þeirri fræðslu sem þegar er í fyrirtækinu og bendir á leiðir til auka fræðslu í framhaldi af greiningunni. Þessi símenntunaráætlun er síðan grunnur að fræðslustarfi viðkomandi fyrirtækis í lengri eða skemmri tíma. Verkefnið hefur mælst vel fyrir meðal fyrirtækja og starfsmanna þeirra.
