Össur hf. hefur nýverið lokið nýrri þarfagreiningu og símenntunaráætlun fyrir almenna starfsmenn fyrirtækisins. Verkefnið var unnið með aðstoð verkefnisins Fræðslustjóri að láni sem Starfsafl bauð fyrirtækinu. Niðurstöður verkefnisins voru kynntar á fundi með starfsmönnum Starfsafls í gær.

Ætlunin er að formgera og auka þá þjálfun sem nú stendur starfsmönnum til boða og á skipulegri hátt en verið hefur. Notuð verða ýmis verkfæri til að meta færni starfsmanna og verður allt ferlið unnið í samráði við viðkomandi starfsmann. Að lokinni þjálfun, sem tekur 3 - 4 ár, fær starfsmaðurinn sérstakt skírteini sem viðurkenningu á hæfni. Starfsmaðurinn fær þá m.a. réttindi starfsfóstra sem kemur að þjálfun nýliða ásamt viðkomandi verkstjóra.  Auk þjálfunar í sérhæfðum verkferlum verður væntanleg boðið upp á fræðslu í ýmsum tengdum greinum, m.a. fagensku.